今日係5月21日，睇是日星座運程之前，不如挑戰吓IQ題，到底一個橙，可以點樣公平地分畀十三個小朋友呢？想知答案就要睇《星語》喇！入正題先，今日嘅幸運星係雙子座，雙子座嘅朋友獲幸運之神眷顧，可以做啲自己感興趣嘅事。台灣型男柯震東就係雙子座，佢早前演而優則導，處男執導電影《黑的教育》雖然為佢帶嚟金馬獎最佳新導演嘅提名，但最終空手而回，而且票房不如預期，搞到佢心情麻麻。不過依家有幸運之神照住，繼續做你想做嘅事就一定會成功！
處女座嘅朋友各方面運勢都唔錯，處女座嘅周勵淇（Niki）近年開始經營影片頻道，近日就拍片重提佗B難忘事，自爆原來懷孕初期曾經作小產，仲分享埋食麒麟果改善孕期嘅便秘問題，唔少網友都話學到嘢！希望Niki繼續拍多啲片同大家分享！
本文作轉載及備份之用 來源 source: http://hk.on.cc
|
鍾意就快D Share啦！
|
|
|