利物浦（左）只能逼和維拉。（Getty Images）
最強博彩盤路過關神器《串績王》：http://win.on.cc/football/
周六（20日）晚英超，「雙紅」分途出擊，利物浦雖然憑最後1次喺晏菲路比賽嘅羅拔圖法明奴建功，喺主場以1比1逼和阿士東維拉，聯賽7連勝斷纜之餘，因另一邊廂曼聯擊敗般尼茅夫，令紅軍爭下屆歐聯入場券形勢唔樂觀。
利物浦今仗有主帥高普停賽，冇得喺場邊督師，上半場佢哋攻勢唔入肉，仲有後衞伊巴希馬干拿迪更喺禁區侵犯對手被罰12碼，可惜維拉射手奧尼屈堅斯宴客。但過到初一過唔到十五，積及藍斯入楔得手打開紀錄。下半場紅軍積極反撲，加普於混戰中快射破網，不過隊友華基爾雲迪積克越位在先，食咗鋪詐胡，之前已宣布季尾離隊嘅羅拔圖法明奴，末段後備落場，接應穆罕默德沙拿妙傳扳平，搶番1分。
至於曼聯靠中場卡斯米路一記半車身靚波建奇功，作客以1比0擊敗般尼茅夫，現時領先第5位嘅利物浦3分兼打少1場，由於紅軍只淨番一場聯賽，曼聯爭前4嘅下屆歐聯入場券形勢大好。
本文作轉載及備份之用 來源 source: http://hk.on.cc
|
鍾意就快D Share啦！
|
|
|