6月18號即農曆五月初一，宜出行、動土仲有嫁娶，是日最旺生肖係兔，屬兔嘅朋友桃花旺，有戀情開始萌芽，要好好把握喎。喂喂喂，兔女游嘉欣係咪有嘢暪住我哋呀，有名你叫「A0女神」喎，即係未拍過拖囉，不過佢恨拍拖恨到出晒面架啦，成日喺節目問人點先可以出Pool，仲話第一次時間唔可以短，係講拍拖嘅時間啫，唔好諗錯其他嘢，其實嘉欣咁靚女，點會冇男仔追，應該係想好好揀啫，之前同林正峰緋聞滿天飛，雖然你否認，不過今日又有戀情萌芽喎，唔好再錯過啦喂。屬猴嘅人一樣，愛情運上升，有伴侶呵護，會甜在心頭呀。
今日嘅幸運星係雙魚座，你哋嘅幸運指數排第一，財運好到極，生活無憂。雙魚座嘅謝安琪，近排忙緊為ViuTV新劇《法與情》開工，佢大讚老公張繼聰除咗幫手分擔照顧仔女嘅工作，令佢無後顧之憂外，仲大爆阿聰勁有誠意，行樓梯上7層樓探佢班，果然係真愛呀！Kay嫁到畀呢個好老公真係好幸運，趁住今日父親節，要好好慰勞吓佢喇。另外白羊座嘅朋友身體好、心情靚，可以開開心心咁過父親節呀！
本文作轉載及備份之用 來源 source: http://hk.on.cc
|
鍾意就快D Share啦！
|
|
|
