人氣男團MIRROR成員Anson Lo及Edan日前（15日）凌晨於香港機場拍攝劇集《社內相親》，約1點45分，AL由經理人花姐陪同下現身機場，不過現場仍有數十位「神徒（AL粉絲暱稱）」現身力撐，一見偶像即發出歡呼聲，並一直圍住AL欲送偶像步入機場通道，直至花姐呼叫一句「唔好再行喇」才停止，而AL及花姐等則繼續步入VIP房並逗留數分鐘後才現身正式拍攝場地。
見AL先拍攝心不在焉先後撞倒美女及肥美人手中咖啡場面，又同飾演佢秘書嘅Edan大演對手戲。不過AL拍攝多個鏡頭後，就見佢用手扇風，現場似乎十分悶焗，之後其助手亦遞上電風扇及補妝等。不過為求完美，該鏡頭亦拍攝近10次，有指AL係受肥美人表現未如理想而多次NG，但AL保持專業，繼續保持劇中嘅嚴肅樣。
而Edan則在凌晨兩點20分左右到場，亦獲多位「爵屎（Edan粉絲暱稱）」現身支持。佢一到場先等埋位，不過就被發現似係拎出電話打機，又行近AL有講有笑，最後更變同花姐三人圍爐吹水，更氹得AL多次大笑，氣氛相當融洽。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
