藝人孫慧雪上周宣布第二胎B仔出世，大晒BB出世相，尋日（29日）佢更加公開產房生B片，老公羅天彥（Edwin）全程陪伴在側，孫慧雪更由自己打麻醉至BB出世嚎哭嘅過程上載網上，雖然片中有多個血淋淋畫面，孫慧雪亦貼心以黑白畫面處理，但就睇到唔少網友眼濕濕，大嘆媽媽真偉大。
孫慧雪於片中坦言雖然係第二胎，但依然好緊張同驚，甚至思考唔到，老公就一直緊握佢手仔安慰。佢又表示想要靚靚咁同BB影第一張相，老公亦貼心為佢整理頭髮，一直到BB血淋淋咁見人，在場人士見到B仔即高呼：「嘩！好大呀！」隨即孫慧雪將「中氣十足」嘅細仔抱到胸前，輕輕摸咗BB面頰兩下，BB就收聲唔喊，非常神奇。
佢續留言表示細佬仔出世有9磅重，同哥哥出世差唔多size，因為兩胎都比較大，除咗傷口開得比較大之外，腹直肌亦鬆晒，生完個肚好似仍然有咗五個月咁，亦會Keep住餵母乳畀BB等。
本文作轉載及備份之用 來源 source: http://hk.on.cc
|
鍾意就快D Share啦！
|
|
|