今日係7月17號，即係農曆五月三十，適合修廚、開市同埋動土，即係今日整理同改造吓廚房，一定可以大吉大利。最旺生肖係豬，屬豬嘅人今日偏財大旺，如果你從事銷售相關行業，一定要好好把握。袁詠儀（靚靚）就係屬豬，同周潤發合演嘅新電影《別叫我"賭神"》上映冇耐，靚靚終於都夢想成真，可以同偶像發哥一齊拍電影，其實靚靚啱啱出道參選港姐嗰陣，就受到發哥嘅照顧同提攜。今日財運咁好，佢咁落力宣傳套戲，希望票房可以大賣。
今日嘅幸運星係山羊座，你哋今日身心處於極佳狀態，可以度過美好嘅一日。陳敏之就係山羊座，呢排佢榮升無綫「帶貨天后」，不停為公司帶貨直播，成績愈戰愈勇，更紅到去上海，為內地最大網上交易平台拍攝廣告，而且仲同內地嘅「口紅一哥」李佳琦，同埋羅永浩，喺同一個廣告出現，陳敏之仲話想同李佳琦學習，都幾有野心。因為佢直播表現唔錯，呢排更被邀請擔任節目《中國新主播》嘅評判，由佢選出一班有夢想嘅新主播添。今日身心狀態咁好，一定可以係直播入面表現過人。
本文作轉載及備份之用 來源 source: http://hk.on.cc
|
鍾意就快D Share啦！
|
|
|