型男謝霆鋒自從同張栢芝離婚之後，大仔謝振軒（Lucas）同二仔謝振南（Quintus）都係由栢芝照顧，栢芝仲不時於社交網分享同小朋友日常生活點滴，盡力個好媽媽，反而霆鋒比較少同兩個仔互動，日前有網友喺澳洲捕獲謝霆鋒同埋大仔Lucas，應該係準備去滑雪，同行就未見霆鋒女友王菲蹤影！兩父子激罕同框，快將16歲嘅Lucas已經同霆鋒差唔多高啦，而佢哋個外貌同衣着風格都似到十足，直頭「倒膜」一樣呀，加上出名逆齡有術嘅霆鋒，望落同Lucas似兄弟添！
Lucas全程好乖咁跟住爸爸，兩父子企喺街頭，即時成大眾焦點，而留咗小鬍子嘅霆鋒仲有同網友影合照，大晒親民！其實霆鋒一向對私生活極為保護，甚少公開同兩個仔嘅互動，之前仲有傳霆鋒冷待大仔Lucas，呢次見到兩父子關係融洽，正好令不和傳聞不攻自破。
本文作轉載及備份之用 來源 source: http://hk.on.cc
|
鍾意就快D Share啦！
|
|
|