有「翻版陳瀅」之稱嘅無綫財經主播孫雪祺（Gigi），樣靚身材正嘅佢平時上鏡雖然斯斯文文，不過私下就相當清涼性感，飽滿上圍更喺吸粉無數。可惜，隨着近期無綫嘅「離巢潮」，走咗唔少型男美女主播後，如今就連孫雪祺都喺尋晚（12日），透過社交網宣布離開效力咗5年嘅無綫，令唔少觀眾網友都深感不捨。
孫雪祺喺社交網感性寫道：「2018天，從國際新聞編輯/主播、天氣主持，再成為財經記者/主播/主持，感謝公司，感謝同事，感謝嘉賓，當然更感謝每一個觀眾和followers，雖然不是新聞系畢業，雖然稱不上是個標致的靚女，但慶幸自己的努力和實力也曾被看到。日子還有很長，一定會繼續陪伴大家，山海自有歸期，風雨自有相逢，未來再會！」
事實上，2017年中大新聞系碩士畢業嘅孫雪祺，隨即加入咗無綫擔任財經記者一職，從《普通話新聞報道》、《普通話財經消息》、《普通話天氣報告》、《交易直播室》及《財經演義》等都有份主持過，亦因平時嘅性感打扮及撞樣陳瀅關係，喺網絡上都有着極高嘅話題性。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
