藝人工作日夜顛倒，成日冇覺好瞓，身體入面嘅骨火濕氣重，所以唔少明星都有刮痧習慣，「阿嬌」鍾欣潼同台灣女星楊丞琳，都係刮痧嘅擁躉。而早前TVB熱播劇集《一舞傾城》入面，飾演沙律姐嘅陳法蓉，亦都喺社交網分享刮完痧嘅相，睇到佢肩頸位全部都係勁明顯嘅血痕，面積勁大，好多Fans都話戥佢痛，仲話好心痛添！
好多人覺得刮痧，都要勁大力咁去刮，搞到現晒通身血瘀先認為有效，但事實係唔係咁呢？今集《星星講醫D》，靚女主持鍾泳瑤，繼續請教星級中醫師蔡梓銘，話畀我哋聽刮痧嘅作用同正確做法。事實上刮痧真係唔好亂嚟，事關舊年台灣一名40歲張姓男子，因為大腿肌肉痠痛，自行用刮痧板喺兩隻大腿內側刮痧，結果造成細菌感染，引發壞死性筋膜炎，爭啲命仔不保！究竟點樣刮痧先安全呢？即刻睇片！
本文作轉載及備份之用 來源 source: http://hk.on.cc
|
鍾意就快D Share啦！
|
|
|