今日係9月5日幸運星係水瓶座，你哋幸運指數排第一，事業發展可望更上一層樓。鍾欣潼（阿嬌）就係水瓶女，佢曾經賀爾蒙失調身形暴脹肥到冇頸，不過佢真係好有毅力，為咗參加《乘風破浪的姐姐》減咗足足30磅，喺內地人氣再度急升，商演同代言接唔停賺到盆滿缽滿！
不過總係有班網民勁口臭，成日就話佢肥番兼走樣，早排素顏現身機場又被人話好矮身形差，而且殘又有黑眼圈！但其實所謂嘅黑眼圈只係眼鏡牌子logo係錯覺，阿嬌甫返當日活動相仍然索爆，佢靚女又自律事業一定繼續掂！
是日最旺生肖係豬，你哋今日遇貴人，有貴人力撐工作進展會比預期順利。男團MIRROR成員Anson Lo（盧瀚霆）就係屬豬，佢最近唔止歌唱事業有成績喺亞博開咗首個個人演唱會，仲有新戲上映而且係驚慄片！Anson Lo都話今次好大突破，多咗唔同經驗代表戲路又廣咗，演藝發展一定會更上一層樓呀。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
