無綫myTV SUPER在YouTube頻道上載了一段Do姐鄭裕玲訪問梁朝偉的昔日片段，祝賀梁朝偉。片段中，Do姐提到有很多人都認為偉仔是一位香港數一數二的好演員，不過偉仔過往拍攝的電影都不太賣座，對此偉仔表示自己慣常會挑選題材比較偏鋒的電影：「可能以前成日將自己抽離人群，變咗做出嚟嘅嘢人群好難有共鳴，我覺得冇共鳴套戲一定唔會收。其實我自己都有一部分責任，演出嚟嘅時候點解唔演啲大眾化嘅呢？」
Do姐問到偉仔曾斬釘截鐵表示30多歲就會離開娛樂圈，偉仔直言當時說出這番話其實是晦氣說話：「嗰段時間係最唔開心嘅時間嚟，我記得我講嗰時仲係拍緊TVB啲劇集，同時間又拍緊電影，嗰時自己係好唔開心。唔係工作令我唔開心，係我自己嘅問題令我唔開心，變到連返工都冇興趣。」偉仔續指自己一直都鍾情拍戲，但當時因為情緒非常低落而說了這句話。
既然繼續當演員，被問到是否視演員為終身職業，偉仔否認並指不想當演戲為工作，更指自己計劃35歲至40歲就不全職拍戲：「可能做生意，人生有太多嘢玩，呢樣嘢（演戲）嘥15年落去差唔多啦，應該要玩吓第二啲嘢。」
梁朝偉獲獎足本表情包：
本文作轉載及備份之用 來源 source: http://www.hk01.com
|
鍾意就快D Share啦！
|
|
|
