憑《愛．回家之開心速遞》「王朝」一 角成功入屋的藝人莫家淦，去年「離家」北上發展，近日更終於捱出頭，入行19年首次做男一，為過百集網絡短劇《重啟2023》擔任男主角，與「肥屍」梁焯滿、「藍莓」劉俐等人合作，他接受東網訪問表示：「今次係第一次擔正，所以都不問酬勞，合理價錢就去，希望攞多啲機會，儲多啲經驗，有多啲人認識我。」他透露劇集是全香港班底：「監製香港人嚟嘅，我喺內地隔離嗰陣認識佢，佢見我幾次，覺得我好正氣，好適合個角色，所以膽粗粗畀咗個男主角我做。」
他憶述拍攝過程頗為辛苦，男一絕不易做：「雖然每集1至2分鐘，但有成100集，仲要5日之內拍完，所以基本上冇幾乎瞓過覺，加埋都瞓唔多過10個鐘。劇情都幾多複雜嘢，又要扮《天若有情》，又要企天台邊，又有打鬥，好多動作戲，拍嗰陣唔識攰，但拍完就瞓咗兩日。」提到做男主角，他表示多年來身邊不少人都曾叫他放棄，沒想到現時竟有機會，他深信只要堅持就有希望：「一直都覺得係吸引力法則，只要你覺得嗰樣嘢能夠實現，就總有機會實現到！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
