《ViuTV 2024》節目發布會今日（13日在九展舉行，包括MIRROR、ERROR、COLLAR、P1X3L、周家怡、鄧麗欣等出席。COLLAR以勁歌熱舞打頭陣揭開序幕，隨後介紹來年劇集，ViuTV預告明年將有7套劇集包括《瑪嘉烈與大衛系列 絲絲》、《出租大叔》、《無人之境》、《弊傢伙 我要去祓魔》、《反起跑線聯盟2》、《17年命運週期》、《島嶼協奏曲》推出。宣傳片中《瑪嘉烈與大衛系列 絲絲》的陳澤文與廖子妤有咀嘴親熱場面；主演《17年命運週期》的楊樂文餘演外賣仔，更透露姜濤會客串演出；《島嶼協奏曲》由鄧麗欣、邱士縉對演出，Stephy指相當享受到台灣拍攝的節奏，沒有香港那種快。
ERROR則到台灣拍攝《究竟讀緊乜》，他們修讀香港沒有的冷門科目，好似「調理農務系」與家禽家畜上堂，肥仔被取笑最似與牛牛打成一片。眾人又體驗殯儀系，其中一位成員更要瞓棺材扮死，何啟華表示：「我哋要學習尊重死者，點同家屬相處。」至於193則投訴：「傳聞中傳理系好多靚女，但好失望。」
至於，MIRROR則壓軸出場介紹為成軍5周年到澳洲拍攝的團綜《MIRROR Time》，12子跳唱《Catch A Vibe》後喘住氣接受訪問，Lokman上氣唔接下氣指在澳洲拍攝後大家也不願瞓，齊齊睇星星傾偈。AK則指今次旅程後肝酵素增加，因為大家也不願瞓，傾了好多偈。Tiger則請觀眾留意Mirror成員對高空的反應。 最後盧瀚霆與呂爵宣傳將播出的《社內相親》，Edan指劇集甜蜜又有戀愛Feel，盧瀚霆則說：「希望大家同我哋一齊有戀愛感覺。」
MIRROR接受訪問問講到今次到澳洲拍攝團綜Lokman形容今次大家好似去玩放假，AK指大家趁機傾談過去5年發生的事。未有玩熱氣球的Ian直言因心臟問題，從少也不能玩刺激遊戲。
講到Jeremy與Anson Lo在節目中變成喊包，Jeremy指5周年有點感觸，加上節目營造氣氛，喊也是正常。Anson Lo則說：「上到熱氣球覺得世界好大，何必要諗到自己嘅煩惱咁大，嗰刻放低，享受寧靜嘅日出。」 Alton講到後援會解散？他說：「當初佢哋有啲問題，結束未諗到下一步接手，我同公司有關心過佢哋嘅困難，佢哋係想有人接手去做，但交接係要時間， 因為依家係公司嘅規模，唔係話開就開，知道佢哋做緊嘢，希望會再開。」
Edan講到Fans Club解散涉及百萬糾紛，他說：「Fans Club有隻豬做咗啲唔好嘅嘢，畀大家見到，佢哋已經引咎辭職咗，依家收集緊啲Form，準備有新嘅後選內閣。自己覺得Fans Club固然重要，但係Fans可以用自己嘅方式去支持偶像，唔一定要入Fans Club，因為追星都係求開心，大家自由去選擇點樣支持偶像。」他亦覺得難以定下規矩防止言論，認為有人就會有是非，但亦聽聞開始有起底情況，覺得更加不應該。講到Fans Club涉及百萬金錢的去向？他說：「未清楚最終係點，因為大家都有唔同意見，公司亦有幫手溝通，睇吓點樣係最好嘅方案。」
姜濤講到粉絲捧場欣賞他主演的電影《我的天堂城市》看完他的單元便拉對離場，被轟有欠尊重，他說：「唔清楚，希望大家入場就要睇晒套戲，如果真係咁就唔係咁好，需要尊重創作者，睇晒成套戲。」講到今次是繼他為音樂會演出後再有粉絲拉隊離場，他說：「冇辦法，有啲Fans行為，我哋都控制唔到，因為屬於個人嘅意志，最緊要係自己嘅行為自己負責返。」講到有指Ian覺得發展未如理想有離心，他則幽默地否認說：「冇睇報道，我唔得呀，心臟唔係咁好，離心力頂唔順。」講到 So Ching甫相分與李啟言（阿Mo）度過受傷後的第二個生日，AK表示：「我哋團隊有代表同佢講生日快樂，同埋講一啲鼓勵嘅說話，希望佢盡快康復。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
