今日係10月24日農曆九月初十，是日最旺生肖係狗，易得貴人相助。肖狗嘅女神李佳芯（Ali）日前前往馬來西亞舉行粉絲見面會，仲趁機參與義工活動，參觀當地嘅特殊學校及與學童見面，了解特殊兒童如何在溫馨快樂的環境下學習，並唱了兩首歌《幸運是我》、《遇見》，非常有驚喜。
人美善心嘅「視后」Ali近年所拍攝嘅劇集，幾乎少之又少，多數都係綜藝節目。而外界有指無綫最近與內地平台合作開拍多套新劇，但因有唔少小生、花旦相繼離開，一直備受冷待嘅Ali將有機會「翻身」，所以Ali唔使驚㗎，相信你嘅貴人好快就會出現，拍劇有望呀。
至於幸運星係獅子座，財運呈上升之勢。獅子座嘅陳奕迅（Eason）近期舉行世界巡迴演唱會，完成歐美地區之後，10月就過埋大海開騷，兼推出全新專輯，年底仲去埋內地開個唱添，淨係呢個巡演，相信Eason都已經賺到盆滿缽滿。此外，Eason仲忙裏偷閒，幫老友許志安首新歌作曲兼擔任監製，同時慶祝許志安加盟環球，錄音嗰陣，仲教佢用一種方法錄音，就係當唱歌畀自己聽。同樣財運唔錯嘅處女座，就要謹記知足常樂，唔可以貪得無厭呀！
本文作轉載及備份之用 來源 source: http://hk.on.cc
|
鍾意就快D Share啦！
|
|
|