馮素波（波姐）接受《香港01》電話訪問時，笑言平時不接陌生來電的，她說：「咁啱我睇緊電話先接吓你，如果唔係都唔接。」她續說：「冇來電，三字頭都唔會接，唔識嘅都會收線。」如果是親戚打電話給她呢？波姐就直言親戚們打電話都會有顯示，所以問題不大，但這個習慣也會令她錯過一些真正找她的人，她說道：「有時都會錯過咗覆診電話，因為診所醫院都係用公司電話，之前有牙科醫院打畀我叫我覆診都冇聽，好在後尾我打返去。」
問及波姐意見，有什麼方法可以令長者們避免被騙？波姐直言：「唔好貪心！」她表示很多時受騙都源於貪心和不小心，說道：「我而家同朋友傾偈都係apps（whatsapp等通訊軟件），好少打電話啦。有時聽到不明來電問我有冇收到阿邊個通知，我都會小心啲，有時稱呼唔係平時咁就要小心！長者應該同仔女溝通好，有事嘅時候要點講。」
波姐續說，最重要還是「身正」兩個字，說：「最緊要自己正，冇犯法又使乜驚。（指收到詐騙電話指自己干犯罪犯）9唔搭8嗰啲都唔使理。」她也分享了一件親身經歷，直言要小心保管個人資料。她說：「有一次銀行卡務部打嚟，之前取消咗張卡，話張卡有30幾蚊剩，問我介唔介意畀資料佢做返。嗰時我打緊麻將，我話：『我相當介意，程序最好改一改。』笑到我啲麻將腳『卡卡聲』。」波姐表示，其實卡務部已經打了幾次電話給她，應該是知道她是藝人以及是長者，才打電話替她完成取消手續，免她去銀行排「長龍」辦手續。後來，波姐還是堅持不提供資料，她說道：「我又唔係欠佢錢，咪等我得閒先去銀行排隊囉。」
她又表示，早年替港台拍過一個防騙資訊節目，是飾演收到詐騙電話的婆婆。她說：「老人家咁辛苦慳食慳住，點解一個電話嚟就畀晒（積蓄）人？以前拍過（節目）畀晒30幾萬。舊時銀行有感情啲，櫃位啲人見你每個月都係嚟打紅簿仔攞生果金，見你一時間攞咁多錢就會懷疑，然後報警。長者真係唔好買平藥，點解要咁貪心呢？」
最後，波姐也坦言自己不怕電話騙案。她說：「我都唔識電子轉帳嗰啲，我就冇咁多錢俾人呃，冇幾十萬咁多！怕自己老花眼都唔會用。而家話有AI扮把聲，可以扮個樣，聲線似啫但係情緒唔會似，聽多兩聽就知係咪，最好就視像（電話）都唔睇，咁就唔會有人扮到你。」
最近馮素波（波姐）新開了一條YouTube頻道「
本文作轉載及備份之用 來源 source: http://www.hk01.com
|
鍾意就快D Share啦！
|
|
|