台灣41歲女星謝忻，經過不倫戀及裸照風波後，對娛樂圈嘅熱誠仍然絲毫未減，重返娛圈嘅佢平時亦會透過社交網同粉絲分享生活點滴。而日前，謝忻就分享道自己喺台北街頭巧遇到余文樂嘅經過之餘，成件事仲尷尬到要搵窿捐呀！
謝忻喺社交網分享道，早前喺台北街頭取景進行業配拍攝時，見到一輛帥氣十足嘅重型電單車，停喺咖啡廳門前，並見到一位即使頭戴郵差帽都英氣爆燈嘅男士：「『天哪，余文樂！』我一眼便認出。幫我拍攝的攝影師當時完全背對着余文樂，我拚命地擠眉弄眼，企圖透過眼神示意男神就在後面。攝影師始終沒有會意過來，倒是余文樂走進咖啡廳前應該瞄到了我顏面神經失調的呆樣。」之後趁住拍攝空檔去買咖啡嘅謝忻，亦藉機問店員方唔方便同余文樂合照，未料店員回應道：「沒辦法喔，因為他是藝人，我想不太方便。」而謝忻亦回道：「藝人嗎？但……我也是耶。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
