今年台慶司儀共有18人，當然不少得每年台慶都虎相的重量級司儀汪明荃阿姐，此外仲有陳百祥、鄧梓峰、陳貝兒、黎芷珊等人。阿姐一身羽絨牛仔褲現身，淡淡定坐主席位Hold住全場，未出聲已顯阿姐氣場。
至於較年輕的主持則有港姐冠軍馮盈盈、陸浩明及吳幸美。馮盈盈去年被傳犯下三宗罪，工作量亦忽然大減，更被指讀碩士為轉行鋪路。今終於終極回歸隨即重近再受公司力捧。Dodo姐剛離開TVB，公司又少一位實力主持，而馮盈盈重獲高層芳心，又有得與汪阿姐同場學習，絕對有機會成為阿姐接班人。而馮盈盈回歸後上鏡狀態大勇，一身性感黑絲上衣上陣，期間狂被陸浩明窒着黑絲開會對稿，「見到盈盈今日都有少少黑絲嘅出現，嚟對稿都咁認真」又被陸浩明及吳幸美輪流寸往年紅地氈着大露背黑絲搶Fo，搞到馮盈盈又開心又怕醜掩嘴狂笑。
而應屆港姐冠軍莊子璇（Hillary）也擺脫負面新聞，當選不久即獲委任做今年台慶司儀，做新人已企正C位做訪問，同「東張女神」何沛珈一齊企中間，自信大方又淡定，可見公司對其寵愛！
本文作轉載及備份之用 來源 source: http://www.hk01.com
|
鍾意就快D Share啦！
|
|
|
