今日係11月17日農曆十月初五，今日幸運星係天蠍座，天蠍座嘅你今日春風滿面，感情生活愜意，無咩事要操心。「天蠍女」兼「壽星女」嘅岑麗香自從結婚兼生咗兩個仔之後，就專心做少奶奶減少幕前演出，但仍不時喺社交網同網友互動，分享日常生活點滴。生日前夕，「香香」喺社交網上大晒去到郊外嘅夕陽照，唔少網民都大讚風景靚，女神仲靚。
大家唔好以為「香香」好離地，私下嘅佢不之幾咁貼地，仲會去深水埗、長洲等地方，歎平民小食，有時仲帶埋老公同小朋友一齊去玩，一家四口幸福到爆。日前「香香」更同成班姐妹一齊去學手雕麻雀技藝，整咗個「香」字，一眾網民看後都表示：「雕埋個麗字呀嘛」、「食！清一色香」，十分搞笑。仲有網民大讚佢有氣質添！
至於是日最旺生肖係豬，人緣旺，人際關係大大提升，聯誼會友可盡興。台灣金曲歌后Hebe（田馥甄）就喺屬豬，年中佢舉行完台北個唱後，依家終於可以抖一抖，早前佢就受朋友邀約，一路駛向北海岸，感受下陽光海風，食一餐豐盛美食，Hebe難得有時間，約三五知己出行實屬寫意。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
