黃心穎真係成日帶驚喜畀大家，2個幾月前先同泥鯭入紙結婚眨吓眼婚禮已經搞掂埋！不過今次心穎一改炫富個性，冇揀5星級大酒店反而喺元朗戶外場行禮，場地官網顯示最平10萬有找勁實惠！而且心穎套婚紗係特價貨，又以紅色透視裙代替傳統裙褂金豬金牌都冇隻，成個婚禮貫徹一個慳字。呢個婚禮可以話係與眾不同，因為唔少藝人結婚都比較豪華，即刻去片
講伍富橋你未必知邊個，但講「億萬駙馬」你實知！《超級巨聲4》出身嘅佢自從舊年娶咗「億萬」富貴女友，就專心享受婚後生活，佢當時「過大禮」勁大陣仗，金器擺滿成枱，仲令佢老婆嘅5千呎豪宅曝光！伍富橋婚後入住豪宅又狂晒靚車，有指蜜月豪遊歐洲日本，都係老婆包飲包食勁歎呀！
「無綫咪神」張秀文21年「閃嫁」富二代男友王大權，據知王大權年薪過千萬，而且家境富裕係「皮草太子爺」王大業堂弟。秀文當日喺五星級酒店出閣、名貴跑車做花車，雖然冇大排筵席，只係請咗部分圈中好友喺教堂低調行禮。不過秀文婚後冇耐就絕迹公開場合，明顯幸福少奶奶一名。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
