無綫J2節目《不正常愛情研究所》嘉賓主持文頌男（Koba）忽然於節目中消失近兩個月，近日佢喺社交網發文，自揭原來佢數月前得知自己患癌症，椎間近盆骨位置生咗一個6厘米大惡性腫瘤，停工已兩個月嘅佢，更無可奈何地需要公開眾籌醫藥費。
佢貼出病床照，並撰寫長文透露自己患上癌症：「好耐冇見大家喇，其實我病咗吖！應該都有兩個月冇更新過近況。我幾個月前確診自己有癌症，依家有一個大概6x6x4cm咁大嘅惡性腫瘤喺我嘅椎間近盆骨附近嘅位置。因為壓住咗啲神經，所以行動唔方便同周不時會劇痛。」文頌男已全面停工兩個月，並開始做化療，又收到唔少粉絲嘅打氣訊息，並指有機會會拍片交代近況。
雖然文頌男叫大家唔好擔心，但佢貼文表示希望可以眾籌醫藥費，之後又指收到唔少有心人嘅捐款，雖然錢唔多但都夠佢醫療同日常開支等。不過同時亦有網友對佢眾籌醫病一事有保留，建議佢可以post出相關醫生證明文件等，令可信性更高，唔怕有口舌之爭。
本文作轉載及備份之用 來源 source: http://hk.on.cc
|
鍾意就快D Share啦！
|
|
|