張致恒（Steven）同粉絲區燕雯（雯雯）2019年奉子成婚，短短4年時間就生咗4個BB嘅佢哋，卻不時傳出離婚風波兼經濟拮据等問題，老婆雯雯更因為成日喺社交網呻要離婚，而被網友戲稱為「離婚界KOL」。然而，Steven雖然目前有份賣情趣用品嘅工作，不過似乎就入不敷支，唔止小朋友病咗冇錢睇醫生外，老婆雯雯亦不時喺社交網連環出Po求助，如今仲疑似因欠租被趕走。
日前，雯雯喺社交網一連出咗4個黑底白字嘅貼文，先係寫有「求救」二字，時隔無耐再貼出雙手合十嘅Emoji後，再問道：「兩日可以去邊？」不過隨即刪除後，又再出Po問道：「咁凍可以同佢哋去邊？原來去到絕路嘅時候，真係會冇人幫。」令人不禁聯想到早前Steven先出Po自爆窮到冇錢交租一事外，雯雯最後嘅一則貼文：「既然努力過也解決不到，只有認命，既然絕路到盡頭身心也累了，不如靜靜合埋眼休息，一切就放下，要怎樣就怎樣，一切也完結。累。」更係令人擔心雯雯目前嘅身心健康狀況。
本文作轉載及備份之用 來源 source: http://hk.on.cc
|
鍾意就快D Share啦！
|
|
|