藝人郭子豪2019年同港姐亞軍鄧卓殷（Amber）愛得高調，相戀4年嘅2人如今更去到談婚論嫁階段。而不時透過社交網晒恩愛嘅2人，日前更無預警喺社交網晒出一輯2人着禮服及婚紗嘅靚相，仲留言道：「一齊咗四年幾，應承咗大家，有好消息一定會同大家講，我哋終於……」正當唔少網友都以為2位有情人終於要拉埋天窗之際，向來百厭嘅郭子豪更係話鋒一轉道： 「一齊參加節目！呢個係我哋公司認識後，第一個以情侶身份參加嘅綜藝節脆，亦都係第一次感受咁大型嘅製作，第一次經歷呁多體力同情感嘅挑戰，想要分享嘅話題太多，想要感謝嘅人都太多。大家一定要留意！」女友Amber亦以4個紅色愛心留言。
雖然郭子豪同Amber着晒婚紗禮服唔係真嘅要結婚，不過仍然都引嚟唔少網友恭喜祝賀外，亦有網友留言道：「順便結埋婚。」Amber則回應道： 「邊有咁順便！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|