「聲夢小花」姚焯菲（Chantel）年僅17歲就「升呢」做時裝網店老闆娘，前晚為慶祝首門生意開張大吉，特別舉行慈善義賣私人派對，展出逾30套網店有售的時裝。她穿上白色Low Cut裙化身「白雪公主」，將派對現場布置得相當夢幻，放滿氣球，還舉行切蛋糕儀式，她又忍受寒風表演打碟娛賓，盡顯多才多藝一面。
出席的圈中好友包括《聲夢》導師王灝兒（JW）、無綫高層樂易玲、《聲夢2》亞軍黃洛妍及學員劉芷君等。而Chantel的時裝店網頁上，有不少由她和友人擔任模特兒的照片，她身上的白色Low Cut裙亦有售，只要4,596元就可以變身「Chantel 2.0」，至於鑽石頭箍盛惠800元，價錢走中高檔路線。
JW落手落腳搞粉絲聚會
另外，JW在社交網上載和Chantel的合照，留言：「Congratulations Baby Girl。」又分享了日前和歌迷於卡拉OK聚會的影片，指辛苦地搬了50袋紀念品及遊戲獎品上車，而且所有紀念品都由她設計及炮製，不過可以和歌迷唱歌、拍照及又飲又食，感到相當滿足，JW說：「自己一手一腳搞嘅Fans Gathering好成功！雖然一啲都唔容易，但係你哋開心我就開心。多謝有啲Fans特登嚟香港參與，仲有已經陪伴咗我10年有多嘅朋友！下一次一定唔會喺5年之後先再Gathering！我話嘅。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|