今日係12月21日，農曆十一月初九，宜大事勿用。今日最旺生肖係雞，時來運轉打工仔可靠腦力，取得佳績。Do姐鄭裕玲就係屬雞，佢自從舊年離開無綫，回後自由身，不斷嘗試新事物。雖則離巢無綫，但Do姐後勁凌厲，愈做愈有工作接着不停，更開設自己嘅個人頻道，以短短兩個月時間，已累積超過20萬粉絲，可謂聲勢強勁。佢之前先喺旅遊節目《去邊啊Do姐》，隻身前住德國，以66歲之齡簽生死狀坐戰機，飛越阿爾卑斯山。其中Do姐感到身體不適，不過佢就表示好開心做咗呢件事，人生起碼要參加一次。
今日嘅幸運星就係天秤座，各方面運勢都不錯，可望迎來愉快的一天，而近年少有露面嘅郭藹明就係天秤女，佢同影帝劉青雲結婚咁多年仲係恩愛如初，不時都有網民會野生捕獲兩公婆，近日佢哋就畀人影到喺餐廳撐枱腳，兩人打扮樸素，非常低調。戴上黑框眼鏡同鴨舌帽嘅郭藹明，保養得宜，完全睇唔出真實年齡，唔怪得之，有啲人會話愛情令人變得年輕。
本文作轉載及備份之用 來源 source: http://hk.on.cc
|
鍾意就快D Share啦！
|
|
|