今日係3月16日，農曆二月初七，宜出行、會友、祭祀，屬兔嘅朋友今日最旺，身邊可能出現貴人，可帶來事業機遇。「宇宙最強」甄子丹就係屬兔，近年事業運可以話係「無得頂」，早前憑電影《殺神John Wick 4》踩入荷里活後，今次再度出演外語片，更會在武打劇集《功夫》（Kung Fu）的電影版中擔任男主角，子丹笑言要從私藏嘅武林秘笈中翻出幾招，務求令觀眾耳目一新，雖然佢已經衝出亞洲，不過仍有接拍港產片，子丹咁飲水思源，難怪會有貴人幫助啦。
今日嘅幸運星係處女座，事業運好到不得了，宜抓緊時機追尋夢想。歌手李幸倪（Gin Lee）就係處女座，舊年佢簽約新公司後，喺各大頒獎禮上都攞到好成績，事業開始高飛，但原來佢亦曾經歷過一段黑暗時期，當時Gin Lee隻身來港發展，因為人生路不熟，內心出現唔少負面聲音，令到佢有抑鬱症狀，但當時都冇錢求醫，慶幸係最後佢一一捱過，依家你事業運強，一定可以追尋到夢想。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
