一連兩場的「WATERBOMB HONG KONG 2024 」雖然頭場搞到一鑊泡，但仍吸引不少藝人入場，尤其第二場壓軸登場的韓國天王Rain，連「大騎樓」郭珮文都有到場睇騷。
郭珮文睇騷以白色比堅尼上陣，外加透視上衣，身材澎湃，吸引了不目光，而與她同行的四眼男，身穿黑色上衣，打扮十分低調，二人在場內不時有講有笑，但未見有親密互動。原來「四眼男」是在《福祿壽訓練學院》中扮過「HK Mr. Bean」的黃潤成，39歲的他除了是無綫藝員外，亦創辦了Sbeat Studio Ltd，涉足鼓教育及室內設計裝修業務。由限動所見，當日同行的還有尹詩沛、吳子冲和蕊蕊。
郭珮文年初時曾暗示自己無拍拖，但拒絕透露單身多久：「到咗呢個年紀，溝通緊嘅對象都有嘅，暫時未有對象。」又表示擇偶條件是心地善良和包容自己，未知他當時口中所講的「溝通緊嘅對象」，是否就是黃潤成。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
