今日係7月30日農曆六月廿五，肖羊嘅朋友，獲貴人提攜，事業運上升，漸入佳境。肖羊嘅視后楊茜堯，上月孖住另一視后林夏薇到上海，為有份主演嘅劇集《黑色月光》做宣傳，期間楊茜堯喺台上表示，預告雖然已經睇過好多次，但每次睇親都會整個人係度震，呢套劇更吸引到逾15萬人預約觀看。
日前劇集總監製鍾澍佳透露，同楊茜堯相識多年，但從未係電視劇上合作過，所以今次係佢哋嘅首次合作。相信屆時劇集播出後，楊茜堯嘅事業同人氣都會再次上升，話楊茜堯獲貴人提攜，相信係指鍾澍佳啦。
今日幸運星係雙魚座，享天時地利人和，放膽追夢，勿錯過時機。聲夢小花兼After Class成員詹天文（Windy），今年5月考完DSE後，佢喺《十大中文金曲頒獎禮》中，獲得「最有前途新人」銀獎，令佢受寵若驚，早前佢就聯同隊友姚焯菲（Chantel）、鍾柔美（Yumi）齊齊現身簽唱會，期間不但又唱又跳，仲預告將會一齊推出合唱歌添，Windy你享天時地利人和，好好把握機會，放膽追夢呀。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
