裁判於決賽上的裁決引起爭議，事緣張家朗與Filippo Macchi打成 14：14平手後，兩位劍手均刺中對方，台灣主裁判黃皓志決定不作判決，讓二人重打；誰知下一劍情況雷同，再次重打，到第三次黃皓志睇片後判張家朗勝出，Macchi曾向黃皓志抗議，面露失望神情，即使攞獎時笑容欠奉。其教練Stefano Cerioni更向裁判咆哮大叫，以示不滿。
比賽後，意大利與香港網民引起罵戰，意大利人去張家朗IG罵他盜走了獎牌，而香港網民就以他們視為「侮辱」的「菠蘿、Pizza」emoji回應。今午最新消息指，意大利奧委會（CONI）會長Giovanni Malago已就男子花劍決賽「不可接受的裁決」向國際劍聯（FIE）及國際奧委會（IOC）提出正式抗議，認為裁判判決「涉及基本錯誤」。
曾與他出戰東京奧運、國際劍擊聯會花劍世界盃的隊友吳諾弘，無緣參加奧運團體賽，今屆在港台擔任奧運劍擊評述，他亦對決賽發表了意見。
張家朗隊友蔡俊彥、吳諾弘等見大家反應熱烈、群情淘湧，先後發表睇法，反對大家辱罵裁判、Filippo Macchi、意大利支持者，吳諾弘說：「最尾3劍我喺錄影廠都要睇咗幾次慢鏡先睇得清楚😵💫喺度提吓大家 14:14不論任何情況裁判都係需要去睇慢鏡錄像嘅🙏🏻我個人認為不存在任何黑哨之類嘅問題🙌🏻」對於意大利選手及其教練都比較火爆，他就表示：「決賽嘅意大利選手的確一向都好鍾意嘈 (郁手另計)不過其實呢d都係比賽嘅一部分嚟 始終競技項目除咗講求技術仲有心理戰 至少我覺得佢琴日嘅行為比起平時已經收斂咗好多🤣 希望咁多位可以理性d咁去支持香港運動員啦🫶🏻」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
