男團MIRROR人氣王Anson Lo今日（7日）29歲生日，與2千Fans在酒店開派對，席間播出家人親手寫的「家書」，令壽星仔感動爆喊。晚上他又與家人欣賞Fans準備的無人機匯演，非常有愛。
Anson Lo（AL）後援會昨日為他炮製連串驚喜，除了連續3年讓市民免費乘搭天星小輪，又在酒店舉行兩場派對，安排2千「神徒」（Fans暱稱）為他慶祝。中午時分首場派對，大批Fans冒熱在酒店外排隊，主角AL穿上粉紅色長袖冷衫登場，施冧功說：「我覺得今日唔似Fans聚會，因為要步入會場，搞到好似婚禮。」
健康狀況搞喊家姐
玩遊戲時，AL被問如何稱呼另一半，Fans大叫「BB豬」，寵粉的AL即冧說：「BB豬！」其後全場合唱生日歌並送上翅膀造型蛋糕，Fans將心底話拍成片段，但最令壽星仔感動的，是現場播放父母及家姐親手寫的家書，當中「教姐」說：「由你細個讀幼稚園開始，我已經好Proud of你。」又分享兩姊弟的童年趣事，AL邊睇邊抹淚，事後他說：「成件事好有愛，家姐係一個內斂嘅人，佢好少講呢啲事。」又透露早前與家人食飯時交代健康狀況：「家姐佢喊咗成晚，但又唔知可以做咩，真係好錫我。」他又向「神徒」致謝：「全靠你哋嘅支持先捱到今日！即使出面好多人誤解我，你哋嘅留言成為我嘅鼓勵。」
AL受訪時直言見到家人真情流露好感動：「知道佢哋每日都好擔心我、Care我，今年生日願望係想神徒同家人都身體健康，因為大個咗知道健康嘅重要。即將由2字轉3字，覺得唔會太大分別，隨時間過去會成熟啲，神徒都話冇咗以前嘅嘻嘻哈哈，可能人大咗會沉穩咗、成熟咗。」
連串活動的「戲肉」可謂晚上的無人機匯演，在西九上空砌出AL的卡通樣及「Happy Birthday」等字樣，大批「神徒」逼滿海旁形成粉紅海，AL與家人亦有欣賞。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
