菲爾科頓喺互射12碼前被換走。(Getty Images)
英格蘭喺歐國盃8強互射12碼擊敗瑞士，5個操刀球員全部射入，負責主射第5輪嘅阿歷山大阿諾特，賽後同家人喺看台慶祝嗰陣，被影到講咗句：「佢唔想射12碼...」引嚟球迷揣測英格蘭有12碼「逃兵」。
網上傳出嘅影片，見到阿諾特同家人講「佢唔想射12碼...」，網民認定有球員做逃兵，呢個「佢」身份成疑，引嚟球迷熱烈猜測，其中今屆表現令人失望嘅菲爾科頓成為網民「心水」，阿諾特喺第115分鐘入場射12碼，入替嘅球員就係菲爾科頓。
英格蘭冇份射12碼嘅攻擊球員，就只有小將伊比爾治伊斯，同埋加時下半場被換走嘅哈利卡尼、菲爾科頓，「新丁」伊斯冇份射並唔令人意外，而哈利卡尼就因抽筋離場，所以臨射12碼先被換嘅菲爾科頓就被視為逃兵大熱。菲爾科頓係上季英超最佳球員，但今屆歐國盃表現飽受批評。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
