邵初去年拍攝「金牌監製」于正打造的內地古裝劇《五福臨門》後眼界大開，回港更努力學戲裝備自己。對演出沒有包袱的她，坦言渴望演癲婆角色。
前港姐邵初除了演出無綫王牌處境劇《愛．回家之開心速遞》外，去年更因緣際會，有機會演出內地「金牌監製」于正打造的古裝劇《五福臨門》。她指今次拍劇淵源其實是2023年到橫店拍攝無綫劇集《巾幗梟雄之懸崖》認識了一位製作人，透過對方推薦而獲得這次機會，拍攝後覺得大開眼界，她說：「睇到佢哋嘅大製作、場景好靚、好大，同埋佢哋拍嘢多角度都好快手，真係大開眼界，學到好多嘢。」
邵初自覺普通話已經不俗，但拍攝前也花了不少時間讀寫拼音準備，希望能發音更準確，雖然最後劇集出街為求完美也是用上配音，但覺得一點都沒有白費，因現場用普通話講對白，與對手增強交流，令大家演繹時更入戲。經過今次見識後，她發現自己有不少需要進步的地方，回港後更上演藝課程裝備自己，她說：「返嚟一直都有跟教戲老師學戲，好似去讀劇會令你對劇本文字上有深入嘅了解，好似講好臭，點樣可以演繹到令人聽起嚟都覺得臭呢?學習點去入聲表達，對演戲都好有幫助。
積極裝備自己的邵初被問到有甚麼夢寐以求角色，她笑說：「想演一啲受到刺激、精神有問題，好似癲婆，有多啲發揮嘅角色。」她又覺得拍攝《愛‧回家》建立了演員身份後，現在對任何角色也不會介懷，認為角色無分好壞，最重要是角色有發揮機會，能夠揣摩角色覺得相當好玩，她說：「以前好驚要做奸角，角色出街之後人哋會唔鍾意我，依家就冇包袱，作為演員只係要演好角色，好似《愛》劇角色有時有啲猥瑣表情，都做得好放，好享受。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|