昨晚（28/7）事件中女主角林熹瞳（Rachel）現身尖沙咀出席電影首映禮，就事件接受《香港01》訪問時表示：「其實嗰日因為睇錯咗化妝時遲到咗，自己都好內疚，於是就請大家飲嘢賠罪。點解會叫咗熱飲，其實真相係咁嘅，原本我係叫凍飲嘅，如果我用香港個賬戶落單，就要35蚊杯。佢哋就話用佢哋當地嘅賬號落單就平一半，於是製片就幫我落單，點知佢就唔小心落咗熱飲，事後發現咗㩒錯咗，冇得更改，咁就再額外再叫多50杯凍檸茶，其實個真相係咁，千祈唔好聽董敬文講，唔係我呀。（最終熱飲有冇人飲？）其實係有，不過有飲剩係真嘅，凍飲清晒，熱飲剩十幾杯，好彩內地人都好養生，都鍾意飲熱飲嘅。」
林熹瞳除了影視發展外，感情生活亦多姿多彩，之前曾傳出同黃玉郎有緋聞，2012年更被傳媒拍得十指緊扣，2015年林熹瞳擔任電影《我們停戰吧》女主角，黃玉郎被發現為出品人之一，不過二人分別表示大家只是亦師亦友關係，絕不涉及男女感情。
本文作轉載及備份之用 來源 source: http://www.hk01.com
|
鍾意就快D Share啦！
|
|
|