藝人馬貫東在無綫新劇《俠醫》中「戀愛腦」上身，令他情陷「機心女」劉佩玥（Moon）的「愛情陷阱」，心甘情願做「兵」。現實中他自言對感情理性，不會麻木去愛。拍攝前，他反而刻意沒有參考其他戀愛作品，由零開始創作角色，他笑說：「出嚟效果又真係幾蠢，阿Moon講咩佢信咩，自己睇見都想鬧爆佢，呢個世界係咪真係有咁蠢嘅人。」
性格內斂的阿東戲中與劉佩玥有床戲及咀戲，因熟稔拍攝時不會有尷尬：「初入行拍親熱戲會尷尬啲，依家多咗經驗，事前大家會溝通，同Moon雖然係第一次合作，但係大家有共同朋友，所以都熟嘅，拍起嚟佢同陳豪咩都接到，所以都有火花。」現實中阿東慶幸未有遇過拜金女，認為避之則吉，伴侶希望是一位靈魂伴侶，大家可以傾訴，一齊進步，認為關係並非是建基於金錢與利益。
阿東除了演藝工作，近期也好好將興趣發展，上堂學習寵物美容，他說：「因為自己養咗4隻貓，最初學係想喺屋企幫佢哋沖涼、剪指甲，但愈學愈上癮，愛上咗寵物美容，學埋同狗扮靚、護理、剪毛。」
曾做過飲食生意的他指現階段會視寵物美容為興趣，有機會當然也想開設店舖，直言因做過生意，明白到生意從來不易做，會先儲多點經驗，等待機會再作打算，他說：「如果一個人有兩份職業都係自己興趣，都真係好幸福。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|