無綫歌唱比賽節目《聲秀》早前一集，吳浩康隊伍的學員林錦興（小林）被淘汰，當時剪輯片段中可見，吳浩康心痛對方不夠努力，苦口婆心勸說：「唔好再創造遺憾」，豈料事後小林卻在社交網上發文，聲稱被吳浩康出言侮辱：「在台上直接說的很難聽，把我貶低得一文不值，說我怎麼以後怎麼做人父母」，又指因在錄影現場否則會直接回罵，更翻出吳浩康黑歷史，指他其身不正：「怎麼好意思說怎麼教小孩」。
有見及此，節目組立即公開現場完整片段，吳浩康講評時，先給小林心理準備：「你有空間接受真實回應架嘛？」然後語重深長指小林在訓練過程其實有很多時間可扭轉結果，只是他沒有珍惜：「今日呢個遺憾你當初已經揀咗，如果早兩個禮拜投入去練，後果會係點？我好難接受有人同我講忙……我忙到全香港都知，我一樣可以抽四個鐘頭放低家爺仔乸教你」，又以過來人身份提醒即將做人父的小林：「嚟緊要做人老竇，要學珍惜，要學面對，唔好再解釋喇。解釋只係解釋之前點解我會做得唔好，唔好再創造遺憾。呢一刻見到，呢一刻就把握機會。希望呢次演唱，學識尊重、學識珍惜，尊重為你付出嘅人、尊重舞台、尊重每一次機會，珍惜為你付出嘅人，珍惜你嘅機會，珍惜你嘅時間。」
他又補充道：「日後你要做人老竇，唔係做歌手咁簡單，唔係淨係浪費自己嘅機會，唔好再唔記得啦，知道嗎？如果唔係第日個仔要打疫苗，你都唔記得，咁就死……要返健康院架第日。個仔嘅嘢唔可以唔記得，唔好唔記得幫佢報幼稚園，呢啲好大件事。我能夠貢獻畀你嘅係咁多。加油，且行且珍惜。」片中內容明顯與小林斷章取義的說法有所出入，而吳浩康亦在片段下留言向小林喊話：「要求林錦興當面對質」。
本文作轉載及備份之用 來源 source: http://hk.on.cc
|
鍾意就快D Share啦！
|
|
|