何雁詩表示疫情後自己很少機會唱live，透露最近創立的Cozy Tour已經有4次演出機會，很開心可以尋回舞台的感覺。她說：「我想儲返啲fans，有一位專登由新加坡飛過嚟。」陳志雲插嘴：「你唱十首歌咋喎？」何雁詩說：「加埋encore有12首。」她透露是用「成本價」去演出，續說：「最重要隊band有錢落袋，我自己冇乜所謂，真係enjoy音樂多啲。所以隨緣（樂助），大家有咩合適地方，直接IG DM我。」
何雁詩完全沒有介意演出地點，暫時是新界及九龍區，笑稱「未過到海」。她透露曾經在一間食酸菜烤魚的火鍋店獻唱，一開始亦有擔憂，她說：「我係驚嘅，通常有嘢食，似周年晚宴咁，人哋掛住食嘢唔得間理你，但好驚訝反應好好，食完嘢坐第一排嘅朋友會調轉身睇我唱歌，原來之前驚嘅嘢，突然有人嗌：『攞碟魚旦過嚟』，但唔會，嗰日真係氣氛超級好」。她更言食客幾杯落肚，大家玩得更盡興。
被問到歌酬？何雁詩表示「冇得計」，最重要樂隊有錢收，她說：「大家都知飲食行業難做，做音樂都難做，我覺得雙贏，自己有得唱又可以見fans，佢哋又可以免費提供酒精同食物畀我哋，賺咗嘞我已經，我又會叫多啲消費客人朋友嚟，大家好來好去。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|