歌手李蘊（Renee）今年3月突然驚爆離婚消息後，回復單身的生活更精彩，早前重拾唱歌夢想，有空檔就影靚相甫社交網，近日她在社交網分享近況，表示再入錄音室錄製新歌《屏幕倚賴法則》，身在廣州的她接受訪問時表示新作品由自己填詞，投資不少於5位數字：「首歌係講呢家啲人好鍾意同AI情人拍拖，甚至結婚，隔住個Moon談戀情，總之唔係真實嘅嘢，（咁你有冇試過？）梗係冇啦，我冇咁搞笑。」而MV於今日上架，預告片中她穿上Cyber Feel的露腰配短裙大晒長腿，而整個人懸浮於空中。
除製作新歌外，又謂忙於扮靚，為即將推出的代言品牌做好準備，希望自己可以keep住年青，又謂她早前拍攝了輯校花相，她就說：「我從未冇做過校花，因為讀書時已經係前組合Cream嘅成員，成日要喺鏡頭前曝光，所以返學時就盡量低調，做返學生就唔會打扮，同埋中學時好多同學都好靚女，冇人選我做校花。」問及離婚兩年多，現可有新男友？她就話感情一片空白，笑言可能跟她性格難頂有關，不過對另一半要求不高，要求對方成熟穩重，又覺得姊弟戀不適合她，因此比她年長最為理想。
本文作轉載及備份之用 來源 source: http://hk.on.cc
|
鍾意就快D Share啦！
|
|
|