今日是蔡卓妍（阿Sa）的43歲生日，踏正零時零分，一眾好友在社交網為她送上祝福，原來容祖兒、關智斌（Kenny）等好友早已為她慶祝生日，可是好姊妹鍾欣潼（阿嬌）可能因工作在身，未能出席，不過在生活派對中，阿嬌送上彩蛋，在視像中向阿Sa講Happy Birthday，令阿Sa十分感動。而祖兒和Kenny好有心，為阿Sa穿上一個做Gym巨型生日蛋糕，只見蛋糕上製作了一個Q版阿Sa做Gym公仔，十分可愛。至於日前與C君的聯動生日會上，原來阿Sa的健身教學新歡Elvis都有到場，大合照時更企正女友隔籬，Sweet到爆！
而阿Sa亦在社交網講「Happy Birthday To Me」：「到一年一度嘅生日啦🥳對於我呢個鍾意搞活動又有啲啲儀式感嘅人嚟講，每年生日要點樣過都係一個值得思考嘅題目，形式可以有好多種，但其實都不外乎同自己愛又愛自己嘅人一齊，食好多好多餐好味生日飯，吹好多蠟燭食好多個生日蛋糕，被滿滿嘅愛意包圍🥰」
她又自爆：「今年嘅生日係我歷年體重最高峰📈但係！又如何呢😗每次別人談論年紀嘅時候，我都會唔小心講錯自己嘅年齡（唔係特登㗎😅）好似人到咗某一個階段開始，有一啲嘢會變得更加冇所謂，比如年齡、比如體重，你嘅內心會話畀自己聽，你想要乜嘢，乜嘢先至係人生裏面重要嘅組成部分，然後將佢哋重新排列組合，尤其係今年經歷咗一啲至親朋友嘅疾病或者告別，我變得更珍惜當下、珍惜身邊人、珍惜健康，可能有啲粉絲朋友會覺得我今年冇以往咁『努力』，但其實我只係將一部分努力放咗喺其他部分，或許人喺唔同階段，需要努力嘅部分真係唔一樣，今次係我主動提出想要影一組生日相，因為我想記錄吓今年嘅我係點樣，或許下年我會再多一條皺紋，又或許我下年嘅體重會再創高峰，但係都唔重要lu，我知道我走嘅每一步都係我努力經營同選擇嘅，我知道我係開心嘅，我知道我身邊一直有愛我嘅人，而我愛嘅人亦都從未離開，生日快樂唔止今日，希望你哋都係！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|