《萬千星輝頒獎典2025》的「最佳男主角」戰況相當激烈，最終由黃宗澤憑《新聞女王2》奪得「最佳男主角」，稍前他已奪得大灣區視帝，成為了成雙料視帝。
黃宗澤繼「大灣區最喜愛TVB男主角」後，再憑《新聞女王2》登上「最佳男主角」寶座，成雙料視帝，首封視帝，由好友苗僑偉（三哥）及黎耀祥手上接過獎項，當公布結果時他即時爆喊，上到台時，三哥笑言：「大個仔喇，睇住你大。」黃宗澤坦言：「我以為攞完冇得上來，我講到亂晒，連許主席都冇多謝，多謝你依家拍戲咁難都畀咁心機同錢去製作。」他邊用紙巾邊抺眼淚說：「我係一個好幸運嘅人，我出道來以遇到好多好前輩，三哥、祥哥（黎耀祥），離開咗我哋嘅佳哥（唐佳）同雪梨姐，佢哋都好錫，我雖然我好百厭，仲有我台下另一個阿媽（樂易玲），我百厭到咁都當我係仔咁錫，珍姐鬧咗我咁多年，但每句說話都係想我好，佳導（鍾澍佳），我第一套拍嘅電影就合作咗，好投緣，好多好嘅角色同電影、劇佢都會搵我。」他又感謝邵氏同事為他在街上拉票、苗僑偉太太、粉絲、好朋友及一齊讀書長大的5兄弟。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
