TVB《萬千星輝頒獎典禮2025》於今晚（1月4日）於澳門上葡京綜合度假村—上葡京綜藝館舉行，壓軸頒發萬千光輝榮譽傳奇獎予營運總經理曾志偉，由好友譚詠麟向他頒獎。曾志偉在台上宣布卸任，謙稱江郎才盡。
會上，先由電視廣播公司主席許濤上台發言，稱：「今年我哋特別增加咗一個獎項，萬千星輝榮譽傳奇大獎，向一位傳奇級嘅人物致敬。呢位重量級嘅人物，喺過去幾十年，為TVB作出咗重大嘅貢獻，其實唔止係TVB，甚至乎喺全港嘅演藝界，佢一直都係出心、出力，佢演出過，佢製作過嘅作品，為香港嘅市民帶嚟過無數嘅歡樂，佢亦都提拔咗一代有一代無數嘅演藝界人才無論係過去，現在，或者將來佢都永遠會係TVB最重要成員之一！」
傳曾志偉離開TVB︱志偉回應辭任無綫總經理傳聞 壓軸大獎被指造馬解釋陳煒勝出原因
曾志偉離開TVB︱譚詠麟頒獎項
之後，熒幕播出由王祖藍旁述，回顧志偉演藝生涯短片，接著由歌頌他對影視界及TVB的貢獻。
志偉好友譚詠麟負責頒獎，譚校長稱曾志偉是他所認識的朋友，最不守時，他當日也意想不到對方竟會當TVB管理層，稱：「佢就話俾我聽，唔知點解我覺得TVB好似係我嘅初戀情人咁樣我一定要返嚟幫佢，就係憑着呢種信念，佢竟然會每一次開會，8點前就得喺度，亦都係佢呢種咁嘅堅毅，令到綜藝節目有聲有色，大家有目共睹。」
曾志偉離開TVB︱宣布卸任總經理
然後曾志偉表示：「呢個係一個新嘅獎，叫做『榮譽傳奇』，我覺得呢個獎最特別嘅就係last個字——『奇』，奇就奇在5年前我答應嚟做經理呢個位，我同朋友研究過，佢哋猛咁同我講，話電視係一個夕陽嘅行業，唔做唔輸，唔好衰收尾啊志偉。但係我回心一諗，我從影50幾年，其實我好多所見所聞，所學所做，我係好想同我哋嘅同業分享，返嚟TVB我就係呢個目的。」
接著志偉再講第二原因，稱：「我行勻成個世界未見過一個電視台好似TVB咁，超過八成嘅電視觀眾，係睇緊同一個電視台叫TVB， TVB唔只係一個電視台畀娛樂大家，係堅乎社會責任。」
然後他感性稱：「去到今日，其實我都覺得自己有啲江郎才盡亦都係時候應該卸任落嚟畀我哋同我一齊走嘅一輩你哋繼續再行，再將TVB發揚光大，再肩負呢個責任，所以今日，喺呢個咁難得嘅場合，我能夠攞到呢個獎亦都係我同大家講，我係需要喺呢個職位裏面暫時退落嚟。」
志偉感謝團隊，稱：「我都唔例外，第一個我要多謝嘅係呢5年嚟同我一齊並肩作戰嘅我哋所有TVB嘅同事，有你哋，呢5年先做到呢啲節目，多謝你哋！第二個我要多謝嘅係，其實喺台慶喺所有大型節目大家都會睇到，我係不斷話俾大家聽，其實TVB係有一班喺度做咗10年、15年、20年，不斷努力，但係默默耕耘都可能冇名，但係今日能夠企喺度成為大家所鍾意嘅藝人，其實佢哋係輔助好多好多辛酸，付咗好多努力，成為今日嘅藝人。有佢哋先有今日嘅TVB，先能夠提供更多娛樂俾大家，好多謝各位藝員同事！」
最後，志偉感觸地稱：「其實5年來你話辛唔辛苦，當然辛苦，但每一次無論我喺外國返嚟或者我喺街行緊，有人行返轉頭揸住我隻手話：『曾志偉多謝你』，我話多謝我咩啊？我唔識佢㗎喎，佢話：『好多謝你帶咗咁多好睇嘅節目俾我哋，帶咗歡樂俾我哋。』淨係呢句說話，就已經喺呢5年我喺TVB做嘢嘅動力，所以有需要多謝每一位香港嘅觀眾，多謝你哋，希望你哋繼續支持TVB，多謝！」他並向全場鞠躬。
最新影片推介：
🔥免費索取「升小一選校及面試攻略班」影片【送升學面試攻略本】【點擊索取】
Follow TOPick Whatsapp頻道🔔，唔會錯過熱門話題!https://whatsapp.com/channel/0029Va2riKf4o7qJmRRWrr1g
免費成為TOPick會員，隨時參加有獎遊戲、好物試用、會員專享活動! 立即下載HKET APP︰https://onelink.to/f92q4m
TOPick會員迎新大招募，免費做新會員送精美禮品! 詳情:https://event.hket.com/article/3965561/?r=mcsdediart
|
鍾意就快D Share啦！
|
|
|
