今日(4日)社交網流出老翁在港鐵車廂打人影片，其中一條片顯示，一名操不純正廣東話戴口罩老翁，怒目望向一名紮馬尾兼作中性打扮的女子，以粗口怒罵她後，隨即以右手一拳猛打馬尾女左邊面。她中拳後連叫「我要報警」，旁邊其他乘客也幫口指摘老翁「停手啊你」、「唔好郁手郁腳」。老翁隨即回應，「我想過去嗰度空位，唔畀我過。」有乘客則出手格開二人，馬尾女亦保持理性未有還手。
另一條影片則顯示老翁已坐於座位上，有男乘客不值其所為，直斥「阿伯呢度咩地方，呢度係香港嚟㗎！」老翁淡定回應「香港又點呀」，乘客即時還口「有法治㗎、守法啦」。馬尾女也作出反駁「依家係我畀人打」，影片到此結束。
網民一致指摘老翁不是，「拉X個死廢老啦」、「郁手打人就衰硬啦」、「咁好拳法唔使坐兩蚊車入去整路牌啦」、「普通襲擊證據確鑿」、「有鄉音的長者，香港人」及「不過X廢老出拳就真係大癲」。另有人盛讚馬尾女可以保持鎮定，「叻女！老鼠都唔還拖啊！如果還拖，兩個一齊拉！老嘢如果跪低埋仲大鑊！冇着數！報案告爆佢！心理同生理都有損傷！同法官講以後搭火車都有陰影」。
本文作轉載及備份之用 來源 source: http://hk.on.cc
|
鍾意就快D Share啦！
|
|
|