出爐視帝黃宗澤（Bosco）及視后佘詩曼（阿佘）去年憑話題劇《新聞女王2》人氣爆燈，名利雙收，踏入馬年，兩人計劃由幕前揮軍幕後，Bosco將首次出任聯合監製，至於破紀錄4封視后的阿佘望自導自演挑戰自己，期望「馬到功成」！
藝人黃宗澤（Bosco）去年忙足一整年，他表示會趁新春在家好好休息及下廚，歡迎大家登門拜年。回顧蛇年成績，Bosco非常感恩，視帝榮譽對他來說既是動力亦是壓力：「今次攞獎下次要再做好啲，冇理由停喺度，但又衍生好多問題，我係想做好，但我要等到個好劇本，如果揀唔到唔拍嘅話，又會畀人話你大牌，攞咗視帝就唔拍，依家市道唔係咁好，我接劇當然要考慮劇本同角色，但係咪百分百超過之前嘅角色先接呢？好難講，我都要開飯，有壓力，但會以正能量去面對。（想拍唔同角色？）梗係想，但當揀咗一年都未有合適嘅時候點算，都要為自己考慮，我都想演精神病、變態殺人犯，但有冇人搵你先。」
出動朋友圈 呈現佳作
講到馬年大計，Bosco指演員從來是被動，所以不要執着於計劃，至於會否想有新突破？有投資馬來西亞電影經驗的Bosco透露高層樂易玲邀他擔任聯合監製，令他蠢蠢欲動：「劇本未寫好，睇咗劇本先，睇吓成唔成事，佢想借助我識嘅朋友，令到件事可以拍得好啲，例如喺馬來西亞搵到啲靚景，幫到手已經好好，唔好話監唔監製。」望能為影視圈略盡綿力。
圈中孝順女佘詩曼趁新年帶同媽咪遊曼谷，盡情吃喝玩樂，她笑言包括自己在內起碼肥了兩公斤返港。除了外出旅遊，擁有12名契仔契女的阿佘透露每年春節都會跟他們見面及派利是，問到如此喜歡小朋友，是否想過收養？她說：「小朋友係需要時間同愛心去培育同陪伴佢哋成長，我諗我暫時未有時間分配畀其他人，領養小朋友責任好大，一係唔做，做就要做到最好，所以暫時唔會考慮。我啲契仔契女已經夠可愛，已經冧死我呢個契媽喇！」
學會珍惜身邊人
回望去年，阿佘形容心情似坐過山車，大起大落：「既深刻又難忘嘅旅程，好似上咗個人生另一個速成班，要我謹記住，懷念值得懷念嘅人，珍惜身邊所有人！工作上更珍惜我每一個角色，希望仲有機會與觀眾再一次同頻共振。工作上成績滿意開心嘅，最開心係同劇其他角色都有好成績，一齊咁開心。」講到新年展望，阿佘指之前太忙，現時相當需要好好放假，之後再慢慢研究馬年計劃。問到會否像Bosco一樣投資電影？她坦言：「呢個就真係冇諗過，等電影大老闆嚟喇！之前都講過對幕後工作有興趣，有興趣研究鏡頭、拍攝嘅嘢，所以如果有機會，都想試吓自導自演，相信係一個幾大挑戰。」
佘詩曼
化妝：Katherine Lo
髮型：Lorraine Lam @ Hair Culture
場地: Red Room by LUBUDS
造型：Christina Hsu
飾物：Swarovski
黃宗澤
場地提供：香港麗晶酒店
本文作轉載及備份之用 來源 source: http://hk.on.cc
|
鍾意就快D Share啦！
|
|
|