專訪播出後，引起社交平台上極大迴響，大批網民留言為鍾翠詩打氣。有網民留言：「追夢從來唔容易，最難係頂住誤解仍然選擇堅持。」也有人寫道：「佢真係講咗好多女仔嘅心聲，願佢繼續閃亮下去。」網民紛紛表示希望社會能少些偏見、多些包容。
母親心碎自責
鍾翠詩今日（20/2）接受《香港01》訪問時表示、專訪出街後，最先有反應其實是母親：「其實尋晚出呢個報道之後，我媽咪好快就收到呢個消息，佢返到嚟屋企嘅時候見到我，就即刻上前攬住我，佢嗰一刻我明白到佢應該睇咗個專訪，佢先知我原來有呢啲嘅感，因為平時我好少同佢分享我內心嘅感受同想法，同埋過往我都比較獨立，以前都係喺外國讀書，好多問題都係自己應付，所以通常我都係報喜不報憂。」
鍾翠詩續說，母親看完報道後其實有點難過，因為從沒想過女兒都會有情緒崩潰嘅時候：「媽咪話見到我喺鏡頭前喊，佢都幾震撼又心痛，怪責自己唔了解我，自己唔應該咁遲先知我有咁大壓力，點解唔同佢講。佢又同我講，無論我經歷咩事，爸媽都會喺我身邊，係我最強嘅後盾，仲話佢相信我一定會堅持自己嘅初心，唔會行歪路。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|