今日（04/3）雪梨姐、米雪姐和徐穎堃、徐偉棟一家人出席電影《無毒新境界》首映禮。訪問中，被問起在翁靜晶YouTube頻道大爆圈中黑暗面一事，雪梨坦言並沒有預先「夾定」訪問內容，全都是暢所欲言。「冇㗎，一團空，roll機就講㗎啦。你唔覺得大家都好自然咩？」
她續說：「佢問咩我就答咩，咁就係咁囉。」記者直言訪問大迴響，米雪姐亦補充：「夠自然，開心，講嘢暢所欲言，又唔會傷害到其他人。」《香港01》記者問道，有沒有人向雪梨姐，了解這訪問中借醉行兇的「TVB高層」的真正身份。雪梨姐回答：「呢個唔講得，死人㗎，死人㗎！」米雪姐亦替妹妹雪梨姐打圓場：「我希望大家都唔好沉住喺呢一個⋯⋯」雪梨：「係囉，講完就算㗎啦。講畀啲後輩聽，叫佢哋小心啲。」語畢，兩位前輩轉視線轉移到徐穎堃身上，提點她離開座位後，不能亂飲飲品，接着又笑指徐偉棟也應該小心。
本文作轉載及備份之用 來源 source: http://www.hk01.com
|
鍾意就快D Share啦！
|
|
|