昔日娛圈性感女星林雅詩憑火辣身材及大膽演出，令人留下深刻印象，早年淡出娛圈展開新生活的她，近期又重新「活躍」起來。林雅詩於網上狂呻搵工時遭性騷擾，加上面對經濟壓力，令她忍不住爆Seed，呼籲外界給予體諒。
落選港姐出身的林雅詩（Grace）年前帶同兒子移居英國，約於1年前獨自回流返港，兒子則留在倫敦讀大學。返港後她放下身段搵工，從事過文職工作但感不習慣，最近覓得一份兼職，收入僅夠支持日常開支。她受訪時透露：「都想拍吓嘢，但市道太差，有人搵我返內地商演，被壓價只得幾千蚊酬勞，仲要自己出中港車同化妝，計過真係冇肉食，所以推咗好多個！」
早前有人於社交平台DM與她洽談工作，滿心歡喜的她進行網上面試，卻有不愉快經歷，她說：「見到佢隻手喺下方郁動，覺得係不雅舉動，我問佢佢又避談。唔通以前我拍落嘅嘢，到依家仲要畀人性幻想？」難怪她於網上留言：「聽到我把聲特別興奮？使唔使打埋X機呀？蝦我一個女人仔？正X街！」她又透露以往返內地登台，也曾遇上不少「抽水」事件：「飲酒應酬係指定動作，搭膊頭、攬影相出聲就畀人鬧，話畀錢請你嚟㗎，我覺得自己似玩具多啲！」幸兒子用功讀書令她感到安慰：「唯一係倫敦生活費好貴，我要努力啲，大家有工作不妨考慮我。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|