《中年好聲音4》一眾蒙面歌手早前身份揭盅，其中成功殺入36強的「白眉鷹王」莫家淦，笑言蒙面時曾被誤認陳展鵬及陳國峰，現在終可除罩示人感到如釋重負：「最開心係第二次唱嗰陣有5燈，得到好多網民認同、讚賞，慢慢就多咗人估到。」
講到今次參賽，他坦言曾有掙扎，始終自大學畢業後再未有參加歌唱比賽，但最終被兒子激勵決定勇敢挑戰：「都人到中年，40幾歲，又見到個仔成日參加武術比賽，自己冇理由怯㗎，初頭都冇諗咁多，依家去到30幾強，好似當日嘅選擇都冇錯。」他續指比賽令自己短時間內急速成長，又謂其實入行前以歌手作為目標，但之後卻主力演戲、主持，故希望趁今次機會能在音樂上有更多機會發展。
他又透露最近搬了新屋，並特意找風水師睇屋，不過就笑言並非吸金有道，只是為方便小朋友返學才決定搬屋。
本文作轉載及備份之用 來源 source: http://hk.on.cc
|
鍾意就快D Share啦！
|
|
|