事件起於何濟公綠隊選手許雲妮以《不浪漫罪名》震撼全場後，海兒大讚：「每次聽雲妮唱歌都好驚喜，細細粒咁，但把聲又厚又沉。」不過她隨即補充：「因為通常矮嘅女仔聲帶短啲……」一句「矮嘅女仔」令人場面急轉直下，坐在一旁的谷婭溦表情一變，當場「死亡凝視」，明顯對言語有所介意。觀眾亦紛紛留言指：「Vivian個眼神好殺！」、「呢下真係好尷尬！」
張佳添「食花生」添尷尬
面對突如其來的火藥味，張佳添亦即場「食花生」加入戰團，被指疑似以玩笑方式「踩多腳」，令氣氛更添尷尬。不少網民笑言，《中年好聲音4》已不止是歌唱比拼，更成為「導師鬥心計」的綜藝話題！
海兒親解誤會
海兒今日（5/3）現身葵涌出席音樂劇《我們的青春日誌》宣傳活動，就事件接受《香港01》訪問時表示：「其實我又唔擔心佢會嬲我，其實佢同我都係一個好直腸直肚嘅人嚟，我哋喺好多時候都會直接講出嚟嘅，變咗成日都講笑，而我成日都講笑我哋兩個，所以我冇擔心過佢會嬲我。」
強調非針對谷婭溦
問到當時反應是否節目效果？海兒表示：「都唔係，係因為我唔記得咗佢嘅身形係比較細粒。但其實呢伴事又係真嘅嘛，同埋我所講嘅機率高，就好似小朋友咁樣聲大一定會尖啲，同埋一定會高音啲，BB仔更加係啦，呢個係一個機率嚟。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|