藝人葉蒨文（Sophie）與曾展望（GM）自無綫戀綜節目《女神配對計劃》撻着後頓成「搵銀CP」，一直接Job冇停手，日前二人又跟王祖藍及李亞男夫婦到泰國拍節目，體驗退休後可嘗試的項目。Sophie接受東網訪問時透露，去了當地的一站式養生度假村，於有250年歷史的古屋學潛水，又嘗試了一間由藥房改建而成的米芝蓮一星泰、中Fusion餐廳，她說：「今次行程好趕，對上一次去泰國都10幾年前，好多嘢變咗，希望遲啲有機會攞幾日假再去行一行。」
談到前輩王祖藍夫婦，她表示合作得很開心：「我哋暫時拍咗香港同珠海兩站，今次泰國之旅，佢哋喺拍攝最後一日先到埗，雖然相處時間比較短，但佢哋好多嘢都好願意分享。我同GM鍾意食嘢，佢哋推介咗好多香港餐廳畀我哋，而且佢哋本身性格好好，所以氣氛好快已經好放鬆，臨走之前，祖藍又請大家去一間港式餐廳食飯，我哋食完就上機回程返港。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|