藝人黃婉恩（Yancy）日前去日本浸溫泉發生意外，後腦撞石而流血，她網晒一疊染了血的紙巾，畫面十分驚嚇，並寫道：「浸溫泉唔好起身太急！會暈㗎！暈咗幾分鐘，醒番完全唔知自己喺邊，真係好恐怖，頭撞石頭，幸好冇事」Yancy接受本報訪問時，表示上星期偕友人到日本二世古滑雪，未料浸溫泉時出意外，她說：「可能太心急，起身太快就暈低咗，向後仆咗落去，後腦撞到塊石頭，流咗好多血，成個頭都濕晒。醒番嗰陣真係好驚，暈咗幾分鐘，完全唔知自己喺邊度，仲以為出咗咩大事。」友人及時扶她起身，待清醒後陪她去醫院消毒，醫生表示幸好不是撞到臉部，否則隨時有毀容之險。
當開年紅紅火火
Yancy透露後腦傷口不算深，毋須縫針，跌倒時背部近尾龍骨位置出現瘀青，其餘沒有大礙，算是不幸中之大幸。她回憶起來仍心有餘悸：「未試過會暈低㗎！呢次真係超罕有，嚇親自己，都嚇親個朋友，佢話成件事發生得太快。下次浸溫泉一定要慢慢起身，唔可以咁衝動喇！」對於年頭見紅，她開自己玩笑說：「正面啲睇，紅色係新年最吉利嘅顏色，代表好運同旺丁旺財，當係個好火紅嘅開年哈哈！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|