病住謝票 粉絲感心痛
近日有馬來西亞的陳山聰粉絲在社交平台，以「好心痛，知你好努力，我哋會支持到底」為題，分享道：「有幾多個人，可以好似你咁，病住都仲堅持要去謝票 同大家影相 🥹真係唔係人人做得到。你嘅努力同責任感，我哋全部都睇喺眼入面🫶🏼💙 辛苦晒 @陳山聰 請你一定要好好休息。」相中所見，陳山聰雖然身體抱恙，但依然賣力謝票，對入場支持電影的觀眾和粉絲有求必應，除了親民握手，更親自拿起手機與現場觀眾自拍，絲毫沒有流露疲態，非常敬業，獲網民大讚。
認無劇拍 直言掛念劇組同事
陳山聰早前受訪時，亦大方談及目前的「劇荒」困境，坦言暫時仍未有接獲公司進組拍劇的安排，最後一套作品已經是《奪命提示》，他也很掛住劇組的同事，希望快點再有機會合作。對於無綫近年劇集產量明顯減少，他表示公司製作上方向不同了，想精益求精，希望2026年有份參與其中一套電視劇。
驚現阿叻精裝明星足球隊
此外，早前陳山聰又驚現精裝明星足球隊，疑無劇拍靠攏阿叻陳百祥北上掘金。他當時接受《香港01》訪問時，坦言暫時未有新劇開拍，便做其他工作，收入方面幸好沒有太大影響，「其實我出面有工作嘅，都拍咗兩套電影同一啲廣告，只係大家睇唔到我拍劇啫，基本上都ok嘅！」
談到之前阿叻說球隊在內地受歡迎，藝人踢一踢工作率多20倍，所以有網民猜測他是否近排開工少，所以希望跟阿叻北上吸金？陳山聰笑言：「你估我係C朗咩？梗係無咁嘅事！只係得閒、有時間咪踢下。」問到想不想進軍內地市場？陳山聰直言作為藝人，不會區分市場，「依家最緊要有工作，就工作，我仲要養我個Jaco仔，往後都會穿梭香港、內地同大馬，邊度需要我哋就去邊度。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|