昔日香港娛樂圈有不少性感女神，憑着火辣身材以及電影中的大膽演出令觀眾都留下深刻印象。歲月流轉，雖然不少人都早已淡出幕前抑或轉型，但依然有經營社交網，跟網民分享日常生活。
曾拍三級片兼落選港姐林雅詩（Grace）前年帶同兒子移居英國，雖然放下身段願意做洗碗工，但最後仍沒有找到工作決定回流香港。現年48歲的她兩個月前自爆於搵工時慘遇變態佬，更於社交平台爆Seed鬧爆，當時她指搵食艱難更被壓價甚至冇錢收，還有人借工作為名性騷擾。
未料最近同類事件又發生，林雅詩昨日（1日）在社交平台透露有人假扮有工作而接觸她，到落訂時卻失蹤，她及開名公審對方，認為對方只是乘機與她聊天：「傾好晒所有條件要求，都叫佢落訂過錢嗰一刻？竟然人影都唔見，我覺得唔係好玩？有心搵人接Job，定啲X街男人借接Job嚟同我溝通，溝通完講好價錢叫佢過數落訂金，竟然人都冇？」她更嬲爆問：「做男人唔好做到咁X街啦，咁樣好過癮咩？聽到我把聲特別興奮㗎？使唔使打埋X機呀？蝦我一個女人仔？正X街！你記住呀世界有報應㗎！」
此外，另一性感女星雷凱欣近日亦突然「現身」，已淡出幕前多年的她進駐社交網與網民互動，當年她憑《3D肉蒲團之極樂寶鑑》紅極一時。現年42歲的她，於最新一篇貼文中，開心表示追蹤人數已達1.2萬人，更有網民留言：「雷凱欣最出名係咩？係爆炸，唔信嘅話，試下搜索」、「即刻諗起老夫」、「祝你啲Follower數好似人體爆炸咁爆上去」。雖然該電影時隔15年，當年的畫面似乎在大家心目中留下了不少陰影。而貼文有300多個留言，雷凱欣也極有耐性地逐一回覆，當中有網友留言「應承我，唔好再爆炸」，她回答：「一定唔會啦」，又有人指大家提起雷凱欣的時候，就只會想起人體爆炸，她也睇得開，回答：「人生能夠有代表作唔容易」。
其實雷凱欣自下嫁家族經營小巴及的士生意、兼潮牌幕後老闆陳智聰，並於2017年誕下兒子Jax後，已淡出幕前多年，不過去年她似有意復出工作，間中會在社交網分享近況，又上載跳舞片段，去年她與網民互動時更放風表示有意重返娛樂圈：「我個仔問我到底我以前做咩㗎？我話我好Popular㗎，咁佢話你係咪再可以做嘢，我話我隨時都準備好㗎」。其後雷凱欣更新社交媒體時再分享一張運輸署《公共服務車輛司機職前課程》基礎單元訓練手冊封面的照片及《的士司機職前課程》的照片，寫上「8小時後又8小時，唔知我Pass唔Pass呢？」疑似準備考的士牌，引起外界揣測，雖然她甚少貼出與家人的合照，不過其老公家族經營小巴及的士生意，未知雷凱欣是否有意參與夫家工作。
本文作轉載及備份之用 來源 source: http://hk.on.cc
|
鍾意就快D Share啦！
|
|
|